Selamat Datai ke ruang bilik kami!: May 2009

Saturday, May 9, 2009

Tugas Luar Kontinjen

8/5 tuk tadik kami sebuat nurun ngagai Kuantan kenak penugasan Hoki Piala Asia ari 9 ngagai 17 bulan 5 tuk.10 iku kami diimport Kontinjen Pahang kenak nulung sida.Nyadi Bandar Kuantan tuk indu nengeri Pahang ti nyau makin maju bebanding ngau 5 tahun ke udah.Enti dibanding ngau Bandar Kota Bharu,jauh mai...Ari pemeresi,ari gaya pemansang.Enda ubah baka bandaraya Kuala Terengganu.Semina ke bedau ulih disebut Bandaraya gik.Maya taklimat kereja,diak bos kami madah kami ti dikangau tuk ukai semina kena mantu Hoki Piala Asia.Bisi mega Persidangan Wanita Sedunia ti ka diaduka dituk.Tang iya semina sampai 13 aribulan ajak.Kira ke beserak meh pengawa kami sebuat tuk ilak.Nyadi,ba baruh tuk sekeda gambar alai kami sebuat gawak.Baka ke udah ti temu kitai diak tim hoki kitai alah ngelaban tim hoki Pakistan 2-4.Bala penyukung ke datai meda tim hoki menua kitai nyau baka semut laban ti kelalu mayuh.Nasib endar gak tim menua kitai enda ulih tama final...Enti masuk,madai isi bala kami sebuat ke bejaga ba Stadium Hoki tuk...

Stadium Hoki ari palan paking krita

Point alaiku gawak.Nyamai ngular neh..hehehe

Bengunan Wisma Belia Pahang ba kawasan
Stadium Hoki Kuantan

Alai kami sebuat diau sepanjai gawak
ba Kuantan

Stadium Hoki diambik ari Kolam belakang Wisma Belia

Thursday, May 7, 2009

Minat/Interest

Minat?Apa utai diminat nuan?Apa utai ti diminat aku?Nyadi minat aku tuk nyeliah mimit enti dibandingka ngau urang ti serebak ngau aku kemaya hari tuk.Aku enggai malu ngaku minat begumpulka Kamen rider (DVD tauka tekayam) serta tekayam Transformers.Aku mega minat ngau urang paramotor(lebuh bisi peluang jak..hehehehe)sereta nulis cerita pasal Kamen Rider,tang version aku empu(Made in Malaysia empu Rider!)Setakat tuk aku bisi nyimpan koleksi DVD cerita kamen Rider Black RX,Kamen Rider Agito,Kamen Rider Hibiki,Kamen Rider Kabuto,Kamen Rider Den-O,Kamen Rider Kiva sereta ke latest diatuk Kamen Rider Decade.Enti Movie,aku bisi nyimpan God Speed Love(Kabuto) Hibiki & 7 War Demons (Hibiki) ,Project G4(Agito),Ore Tanjou!(Den-O),Climax Deka(Den-O & Kiva) sereta Paradise Lost(Faiz).Sapa-sapa ti sama minat ngau aku tauk add comment dituk,k?Ba baruh tuk sekeda ari koleksi aku:

Onsa Onkaku ari Kamen Rider Hibiki

Kamen Rider Kabuto,Sasword,Gatack

Kiva,IXA,Todoroki,Ibuki,Kiva,Hibiki

koleksi Tranformers

Optimus Prime(the Movie) n Power Rangers

Power Rangers

Apai Qumang baru nepan Paramotor

Benung diberik taklimat keselamatan atas paramotor,
cara masukka safety belt serta peninggi kitai dibaik paramotor lagik.

Semua dah lengkap sereta sedia.

Ready to take off!!!!Fuh!Seronok you!

Kami Menyanak

Kena muka randau,nyamai agik aku nyeritaka ari ni penatai kami menyanak tuk.Nyadi baka aku tuk nang asal ari Pakit,Sri Aman.Laban ti nitihka alai apaiku gawak,kami sebilik mindah ari Sri Aman alu ngentapka diri ba menua Roban maya tahun 1986.Tahun 1998 baru lah apaiku ulih transfer ngagai Saratok,sampaika sarituk.Nyadi aku betemu ngau Indai Qumang pan enda sengaja.Laban nang sigi beratka apai indai,kami duai disabung urang jadi.Indai Qumang nang asal urang Saratok,ba menua Emplaie Ulu.Tajapan dah ba zaman moden tuk tang aku nang pecayaka jodohka ditentuka apai indai diri.
Kami duai Indai Qumang jadi maya 18/2/2008.11 bulan lepasnyak,barula Qumang ati ku ada.Iya ada ba Sepital HUSM Kubang Kerian kena 23/1/09 jam 1249 dini ari....Pengaga ati enda ibuh disebut laban baru begelar "Apai urang".Baka urang ke bukai ti jadi melaki bini,belaya ngau pangan diri nang enda ulih dikelarika.Sedangkan lidah lagi tergigit ko menyadi kitai bansa Laut...Bisi maya belaya,bisi maya rinduka pangan diri...nang udah adat.Yang penting kitai mesti pandai settle masalah kitai nyak.
Nyadi kami semenyanak enda kediri ba menua urang tuk.Mayuh bala kaban kitai ari menua ti enggau kami.Baka bala ti bujang2 suba,Saging sebilik,sida Samuel,Atung,Flexcher,Anau sebilik,sida Sidi,sida bos aku empu,Tuan Bill,Tuan Steve,sida Apai Simba semenyanak...mayuh!Nyau enda tesebut gik.Nyak bedau gik tambah bala sida ba Kem PGA ngau ba Kem askar din.Pendek kata nang nadai puang meh kami menyanak dituk.Niap ujung minggu kami sebuat begelumu,gempuru makai.Enda ngira ba rumah sapa meh.Pengidup kitai ba menua urang nang jauh beda ari ba menua kitai empu.Ba menua urang,pepandai meh kitai nyaga kaul ngau pangan diri laban sida meh bala menyadi,bala suku juru kitai lebuh ba menua urang.Anang kelalu dengki ngau pangan diri,betulak ansur awakka panjai kitai begulai ngau bala kaban diri.