Gawai dah ninggalka kitai 12 ari ke udah...Agik belala asai ba menua pulai gak ke KB tuk.Terpaksa pulai demi tugas...Nyadi kami menyanak baru pulai 6 hb tuk tadik.Ba airport KB apai Simba menyanak gak ngambat penatai kami menyanak.Nyau tesalah pasukka slipar tudah tuai laban ke ransing ka ngambik kami menyanak ba airport!Hehehehe...patut nadai ngantik ba ruai penatai...
Sebedau kami pulai ke rumah panjai,kami duai indai qumang maptis anak dara kami duai ba St Peter Church,Saratok kenak 29/5.Lepas baptisa baru kami menyanak pulai begawai ba rumahpanjai sida entua aku ba Rh Dana,Emplaie Ulu,Saratok kenak 30/5.Ka meda bakani atur gawai urang ba setak aik Saratok.Laban maya agik bujang menyak enda kala meda urang tunga diak begawai(tajapan lamak dah diau ba Saratok!)Rami enda ibuh sebut!Laban mayuh bala urang rumahpanjai ke sputing.Enti ba menua kami ba Sri Aman,maya ngintu malam Gawai kami deka gempuru ba ruai sambil nirika ranyai.Tang ditu sida bebuka ka kujuk.Piak mega mayuh pengerami diatur baka ngelingi ruai kena nguluka Petara,bepekit dara kiut,bujang semat.Mula sekalik Ex Cr Apai Naja dipintak muka kujuk.Dah nyak enda memukai aku tuk gak dikangau kenak muka nyak!Hakai!Malu endar gak laban ke terubah iya diasuh urang muka kujuk..dah tembu muka kujuk barulah bala ngirup aik pengayu ba ruai.Lepasnyak bemacam meh program digaga.Bepekit poco-poco antara tim baju burak,mirah,chelum,uren ngau kuning.Semadi ke enda nemu betanda,tim uren gak menang...lagi kitak meda bala pic ngau vid ba baruh tuk k!!Siramat Gawai!!!
Rh Dana Emplaie Ulu
Penatai rumah sereta Tiang Pengingat
Buka kujuk!!Anang enda buka!
Nguluka Petara
Geng nguluka Petara kenak interbiu!
Tr Dana bebiau ngelaluka Petara
OOOhhhaaa!!!!Selamat Hari Gawai!!!!!
Bala indai urang beposing maut
Qumang maya ka dibaptisa
Selepas baptisa
Kami tiga menyanak ba depan St Peter Church
Gambar 1 big family!
Qumang ngau bala aki n ini Pakit iya
Qumang ngau aki ini Emplaie iya
Indai Qumang enggau Qumang beposing dalam bilun
Ba KLIA
Penuh bonet krita Apai Simba laban garik kami menyanak!
Ikan terubuk masin bucur dalam beg garik!
Telu masin ikan buntal.Nyam!!Nyam!!
Ikan Terubuk masin!Kebanggaan urang Sarawak!
Terung iban.Mina ulih digiga ba menua kitai jak...
Penganan jala/tansang semut ti nyadi peberet maya gawai
Saturday, June 13, 2009
Subscribe to:
Posts (Atom)